តើប្រិយមិត្តអ្នកអានធ្លាប់សាកល្បង Firefox 7 ទេ? បើធ្លាប់ប្រើប្រាកដជាដឹងហើយថា Add-on ដែលធ្លាប់ដំណើរការលើកំណែប្រែមុនបានបាត់បង់នៅក្នុងកំណែប្រែចុង ក្រោយនេះ។ ដើម្បីដោះស្រាយបញ្ហានេះ Firefox បានចេញ Add-on មួយទៀតឈ្មោះ Add-on Recovery Tool-Firefox 7 1.0ដើម្បីធ្វើឲ្យ Add-on ចាស់ៗអាចដំណើរការលើ Firefox 7 វិញ។
ចំណុចអវិជ្ជមានដែលអ្នកប្រើប្រាស់ជួបប្រទះគឺ Firefox 7 មិនអាចបង្ហាញ ឬដំណើរការ Add-on ចាស់ៗបាន។ ដូច្នេះ Add-on Recovery Tool សម្រាប់ Firefox 7 គឺជាដំណោះស្រាយ។ Add-on នេះក៏អាចប្រើបានចំពោះកម្មវិធីផ្សេងដូចជា Thunderbird 7 ដែរ។
ទោះជាយ៉ាងណា កំណែប្រែចុងក្រោយរបស់ Firefox នេះមានលក្ខណៈពិសេសៗច្រើនដូចជា មានល្បឿនលឿនជាងមុន ដំណើរការបានរលូន ជាពិសេសកាត់បន្ថយការគាំងកម្មវិធីដែលច្រើនប្រទះឃើញនៅក្នុងកំណែ ប្រែមុន។ ចំពោះការប្រើប្រាស់ទិន្នន័យនៅក្នុងកុំព្យូទ័រ ក៏ត្រូវបានកែតម្រូវល្អជាងមុនដែរ ហើយចំណុចកាន់តែពិសេសមួយទៀតនោះគឺ ការរក្សាទុកលេខសម្ងាត់ ដែលអាចឲ្យ Device ផ្សេងទៀតយកមកប្រើដែរ។
បើមិត្តយុវវ័យមិនទាន់បានសាកល្បង Firefox 7 អាច ចុចទីនេះ ដើម្បីទាញយក ហើយបើចង់ទាញយក Add-on Recovery Tool អាចចុចទីនេះ៕
