ថ្មី​ៗ​នេះ គេហទំព័រ​ Facebook បាន​ធ្វើ​ការ​ Update ទ្រង់​ទ្រាយ​ Time Line ដែល​ធ្វើ​ឲ្យ​អ្នក​ប្រើប្រាស់​មួយ​ចំនួន​ពិបាក​ប្រើ​ប្រាស់​ទំព័រ​ Facebook របស់​ខ្លួន។ TimeLimeRemove ជា​ Add-ons មួយ​ដែល​ផ្ដល់​ភាព​ងាយ​ស្រួល​ដល់​ការ​បំបាត់​​ TimeLine នៅ​ក្នុង​ទំព័រ​ Facebook របស់​អ្នក​​បាន។ តើ​ធ្វើ​ដូច​ម្ដេច​ទៅ?
សម្រាប់​អ្នក​ដែល​មាន​ TimeLine នៅ​លើ​ទំព័រ Facebook របស់​ខ្លួន ហើយ​ចង់​ផ្លាស់​ប្ដូរ​វា​ចោល អាច​ចូល​ទៅ​កាន់​អាសយ​ដ្ឋាន​www.tlremove.com ដើម្បី​ធ្វើ​ការ​ Download យក​ទៅ​ប្រើប្រាស់​។ ជម្រើស​នៃ​ការ​ Download តាម​ Internet Browser ដែល​យើង​កំពុង​តែ​ប្រើ​នឹង​ត្រូវ​បាន​បង្ហាញ​ បន្ទាប់​ពី​បាន​ចូល​ទៅ​កាន់​គេ​ទំព័រ​មួយ​នេះ។ សូម​ជ្រើសរើស​យក​Broswer ដែល​ម៉ាស៊ីន​កុំព្យូទ័រ​របស់​អ្នក​កំពុង​ប្រើប្រាស់។
ចុច​ទៅ​លើ​រូប​ដែល​តំនាង​ Web Browser របស់​យើង​ ពេល​នោះ​វា​នឹង​ធ្វើ​ការ​ Download ទៅ​ក្នុង​ Web Browser ដោយ​ចុច​លើ​ពាក្យ​ Allow ។

បន្ទាប់​ Download បាន​បញ្ចប់​ ត្រូវ​ចុច​ទៅ​លើ​​ពាក្យ​ Install Now ដើម្បី​បញ្ចូល​ Add-ons មួយ​នេះ ទៅ​ក្នុង​ Browser របស់​យើង។
ដើម្បី​បញ្ជាក់​ឲ្យ​កាន់​តែ​ច្បាស់​ថា ការ​បញ្ចូល​ Add-Ons មួយ​នេះ​បាន​ជោគជ័យ​ សូម​ចុច​ប៊ូតុង Ctrl+Shift+A ដើម្បី​មើល​ Add-ons ដែល​បាន​តម្លើង។
បើក​គេហទំព័រ​ Facebook របស់​អ្នក​ជា​ថ្មី​ម្ដង​ទៀត ពេល​នោះ​ Timeline នឹង​ត្រូវ​បាន​បំបាត់ហើយ​។ ប្រសិន​បើ​មិត្ត​ទាំង​អស់​គ្នា​ចង់​ប្រើប្រាស់​ Timeline វិញ​ សូម​ចូល​ទៅ​កាន់​ Add-ons ​លើ​ Web Browser របស់​អ្នក​ដោយ​ចុច Ctrl+Shift+A ហើយ​ចុច​ Remove ជា​ការ​ស្រេច។