​ប្រើ Google Chrome ដើម្បី​មើល PDF

Chrome ជា browser មួយដ៏ល្អ ដែល​បង្កើត​ដោយ Google ហើយទទួលបានការពេញ​និយម​ប្រើ និងកើនឡើង​យ៉ាង​ច្រើន​ជា​រៀងរាល់​ថ្ងៃ ។ មកដល់ត្រឹមខែកក្កដា ២០១១ នេះ Chrome មានអ្នក​ប្រើ​រហូត​ដល់ ២២,១៤% ជិតស្មើរនឹង Firefox ដែល​មានអ្នក​ប្រើ ២៧,៩៥% ។
មកដល់ខែសីហា នេះ Chrome ចេញដល់​ជំនាន់​ទី ១៣ ដែល​មាន​ភ្ជាប់​ជាមួយនឹង​លក្ខណៈ​ពិសេសជា​ច្រើន​ដួចជា អាច​ដំណើរ​ការ Flash (Flash Player plug-in) , អាចមើល PDF (PDF Viewer plug-in) និង លក្ខណៈ​ពិសេសជា​ច្រើន​ទៀត ដែល​ឱ្យ​អ្នក​ប្រើ​មាន​លក្ខណៈ​ងាយស្រួល​ក្នុង​ការ​ក្នុង​ការបើក website ដោយមិនចាំបាច់​ដំឡើង​អ្វី​បន្ថែម ។



PDF Viewer plug-in ដែល​មាន​ភ្ជាប់​ក្នុង Chrome អាច​ឱ្យ​យើងបើកមើលឯកសារ​ប្រភេទ PDF បានដោយមិនបាច់​ដំឡើង​កម្មវិធី​អ្វី​បន្ថែម​នោះទេ ។

ការមើល PDF ជាមួយ Chrome
វិធីទី ១៖ អូសដាក់
​ លោកអ្នក​អាចមើលឯកសារ PDF ក្នុង Chrome ដោយ​គ្រាន់តែ​បើក Chrome ហើយអូស file PDF ដែល​លោកអ្នក​ចង់មើលដាក់​ក្នុង​ផ្ទាំង Chrome ជាការស្រេច ។ 



វិធីទី ២៖ ​កំណត់​ឱ្យ​បើក PDF ជាមួយនឹង Chrome រហូត​
យើងអាច​កំណត់​ឱ្យ​ពេល​ដែល double-click លើ file PDF ឱ្យ​បើក PDF ជាមួយ Chrome រហូត​បានដោយធ្វើតាមវិធី​ខាងក្រោម​៖
Right-click លើ file PDF ហើយចុចយក Open with រួចចុចលើ Choose default program…



ហើយ​ផ្ទាំង Open with នឹងបើកឡើង



​ប្រសិនបើ​លោកអ្នក​មិនឃើញមាន​កម្មវិធី Chrome ទេ លោកអ្នក​ត្រូវចុចលើ button Browse
រួចចុចទៅរកទីតាំង  C:\Users\Sambo\AppData\Local\Google\Chrome\Application



ហើយ double-click លើ file ឈ្មោះ chrome.exe



ហើយចុច OK
***​ចំណាំ : លោកអ្នក​ត្រូវធីកលើប្រអប់ Always use the selected program to open this kind of file ប្រសិនបើ​អ្នកចង់​ឱ្យ​គ្រប់ពេលអ្នក double-click លើ file PDF ឱ្យ​វាបើកជាមួយ Chrome ។