តើក្រុមហ៊ុន កំពុងតែលែងល្បែងអ្វីនឹង
ជាមួយពួកយើង? Galaxy S4 បានចេញលក់ជិតមួយឆ្នាំទៅហើយ
ហើយពួកយើងក៏កំពុងតែទន្ទឹងរង់ចាំ Galaxy S5 ទៀត
ប៉ុន្តែSamsungបែរជាដាក់ Galaxy S4 ដែលមានព៌ណខ្មៅទៅវិញ។
នៅថ្ងៃម្សិលមិញនេះ ក្រុមហ៊ុន Samsung
បានបញ្ចេញនូវ Galaxy S4 និង S4 mini ថ្មីមួយទៀត
ពោលវាមានព៌ណខ្មៅក្រាស់ រួមជាមួយសន្ទះខាងក្រោយដូចស្បែកកាបូប
ដែលបានរចនាអោយស្រដៀងនឹង Note 3 ដែរ។
ដោយយោងទៅតាមព៌តមានលំអិតពីក្រុមហ៊ុន Samsung បានអោយដឹងថា
ម៉ូឌែលនេះ គឺជាម៉ូឌែល I9595 ដែលប្រើប្រាស់ CPU Snapdragon 600
GPU Krait 300 រ៉េម 2GB អង្គផ្ទុកទិន្នន័យ 16GB និងកាមេរ៉ា 13
មេហ្គាភិចសែល។
ក្រលេកទៅមើល Galaxy S4 mini
ព៌ណខ្មៅស៊េរីថ្មីនេះវិញ ក៏នៅតែមាន Hardware
ដូចទៅនឹងអាស៊េរីចាស់ដែរ ពោលវាមានអេក្រង់ទំហំ 4.3 អ៊ីញ qHD,
CPU Snapdragon 400 Dual-core 1.7Ghz, រ៉េមទំហំ 1.5GB
និងកាមេរ៉ាទំហំ 8មេហ្គាភិចសែល។
Galaxy S4 និង S4 mini
នឹងចាប់ផ្តើមដាក់លក់នៅក្នុងទីផ្សារនៅរុស្សី ក្នុងខែក្រោយហើយ ដែល
S4 នឹងមានតម្លៃ 660$ ចំណែកឯអាតូចវិញតម្លៃ 460$។ យ៉ាងណាមិញ
Samsung មិនបានបញ្ជាក់ថា វានឹងមានលក់ទូទាំងសកលលោកនោះទេ
តែប្រហែលជានឹងមិនមាននោះទេ ដោយសារ S4 Black Edition នេះ
នឹងមិនទទួលបានការគាំទ្រច្រើនណាស់ណានោះទេ។
សម្រាប់ប្រិយមិត្តទាំងអស់គ្នាវិញ
មានចំណាប់អារម្មណ៍យ៉ាងណាដែរ ចំពោះម៉ូឌែល S4 ព៌ណខ្មៅ
និងសន្ទះខាងក្រោយយ៉ាងស្រស់ស្អាតមួយនេះ? សម្រាប់ខ្ញុំវិញ
គឺវាពិតជាស្រស់ស្អាត ប៉ុន្តែវាយឺតពេលទៅហើយ
ដោយសារលុយសន្សំរបស់ខ្ញុំគឺសម្រាប់ទិញ Galaxy S5 មិនមែន Galaxy
S4 នោះទេ។
ប្រភពពី៖ CamboReport
