បន្ទាប់ពីមានព័ត៌មានលេចលឺជាច្រើនរយៈពេលពីរបីសប្តាហ៏ជាប់ៗគ្នាមកថា Nexus 5 អាចនឹងមាន ពណ៌ផ្សេងក្រៅពីពណ៌សលាយខ្មៅ ថ្ងៃនេះព័ត៌មានទាក់ទងនឹងNexus 5 ចាប់កក្រើកម្តងទៀត ហើយ។ ដោយយោងតាមគណនីTwitterរបស់@evleaks បានបង្ហោះរូបភាពថ្មីមួយរបស់Nexus 5មានពណ៌ក្រហមដែលជាស្មាតហ្វូននៃការសហការ គ្នារវាងក្រុមហ៊ុនGoogleនិងLG។
តាមរយៈរូបភាពខាងលើបានបង្ហាញអោយឃើញថា Nexus 5 មួយនេះមានរូបរាងដូចនឹង Nexus 5 ដែលកំពុងចរាចណ៏លើទីផ្សារបច្ចុប្បន្នផងដែរ ខុសគ្នាត្រង់ផ្នែកខាងក្រោយ និងគែមមានផ្ទៃពណ៌ ក្រហមសុទ្ធ ចំនែករន្ធសម្រាប់ស្តាប់ការសន្ទនា ក៏មានពណ៌ក្រហមផងដែរ។
បើទោះបីជាយ៉ាងណាក៏ដោយ មិនមានព័ត៌មានណាបញ្ជាក់ជាផ្លូវការនៅឡើយទេ ថាNexus 5 នឹងមានពណ៌ក្រហម។
ប្រភពពី ៖ GSMarena
